موبائل فون خرید و فروخت کی آڑ میں حوالہ ہنڈی نیٹ ورک پکڑا گیا

کراچی میں وفاقی تحقیقاتی ادارے (ایف آئی اے) کے اینٹی کرپشن سرکل کی ٹیم نے کلفٹن میں کارروائی کرتے ہوئے موبائل فونز کی خرید و فروخت کی آڑ میں حوالہ ہنڈی میں ملوث کمپنی ٹیک زون سے 32 لاکھ روپے برآمد کرلئے۔

زمزمہ موبائل مارکیٹ میں کارروائی کے دوران غیرقانونی طور پر درآمد کئے گئے 24 کروڑ روپے سے زائد مالیت کے موبائل فونز کی سپلائی رسیدیں بھی برآمد کی گئیں۔ 

دیگر برآمد اشیاء میں تین مختلف اقسام کے 14 نئے اور پرانے آئی فونز، دو آئی پیڈز، 2 اسمارٹ گھڑیاں شامل ہیں۔ 

برآمد موبائل فونز اور دیگر اشیاء کی مالیت 38 لاکھ روپے سے زائد ہے، کمپنی اور مالک کے خلاف مقدمہ درج کرکے مزید کارروائی کی جارہی ہے۔

بشکریہ جنگ