ملک میں چینی کیوں مہنگی ہوئی؟ اسحاق ڈار کا ردعمل آگیا

سابق وزیر خزانہ سینیٹر اسحاق ڈار نے ملک میں چینی مہنگی ہونے پر ردعمل دے دیا۔

ایک بیان میں اسحاق ڈار نے کہا کہ ملک میں چینی وافر مقدار میں موجود ہے، چینی کا مہنگا ہونا بےایمان کاروباری طریقوں اور ناقص گورننس کا عکاس ہے۔

چینی مافیا نے پاکستان ڈیموکریٹک موومنٹ (پی ڈی ایم) کی حکومت کو ماموں بنادیا، کہا ملک میں چینی بہت ہے ایکسپورٹ کی اجازت دی جائے، حکومت مان گئی۔

انہوں نے کہا کہ ملک میں 23 لاکھ میٹرک ٹن چینی موجود ہےجبکہ نیا کرشنگ سیزن16 نومبر سے شروع ہوگا، جس کے آغاز میں 10 لاکھ میٹرک ٹن چینی اور مل جائے گی۔

سابق وزیر خزانہ نے مزید کہا کہ پی ڈی ایم حکومت نے ڈھائی لاکھ میٹرک ٹن چینی ایکسپورٹ کرنے کی جو اجازت دی تھی، اُس سے 125ملین ڈالرز کا فارن ایکسچینج ملا۔

اُن کا کہنا تھا کہ ملک میں چینی کے ذخائر سے متعلق فالس الارم کی کوئی ضرورت نہیں، چینی کی قیمت میں اضافہ ذخائر کی پوزیشن کی عکاسی نہیں کرتا۔

اسحاق ڈار نے کہا کہ چینی وافر مقدار میں موجود ہے، ملک میں چینی کی ماہانہ کھپت 5 لاکھ میٹرک ٹن سے کچھ زیادہ ہے۔

بشکریہ جنگ