ملک میں پری مون سون کی بارشوں کا آغاز ہوگیا

ملک میں پری مون سون کی بارشوں کا آغاز ہوگیا۔ بلوچستان کے ضلع کوہلو اور بارکھان سمیت مختلف علاقوں میں بارش ہوئی۔ بعض علاقوں میں موسلا دھار بارش سے ندی نالے زیر آب آگئے۔

پروونشل ڈیزاسٹر مینجمنٹ اتھارٹی (پی ڈی ایم اے) نے سیلابی صورتحال سے نمٹنے کی ہدایات جاری کردیں.

بتایا جاتا ہے کہ صوبے کے شمالی مشرقی اور ساحلی علاقے زیر آب آنے کا امکان ہے۔ دوسری جانب پنجاب میں جھنگ اور شیخوپورہ میں بارش کے بعد موسم خوشگوار ہوگیا۔

شیخوپورہ کے کچھ علاقوں میں ژالہ باری بھی ہوئی۔ لاہور میں دن کے وقت سخت گرمی کے بعد شام کو آندھی اور گرج چمک دیکھی گئی۔ محکمہ موسمیات نے شہر میں بارش کا امکان ظاہر کیا ہے۔

لاہور کے پڑوسی ضلع شیخوپورہ میں جون کے مہینے میں ہونے والی ژالہ باری کو غیر معمولی اور ماحولیات میں آنے والی تبدیلی کے طور پر دیکھا جا رہا ہے۔

بشکریہ جنگ