ملک میں فی تولہ سونے کی قیمت میں 400 روپے کمی

ملک میں سونے کی قیمت میں مسلسل دو روز اضافے کے بعد آج کمی سامنے آئی ہے۔

آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کا بھاؤ 400 روپے کمی کے بعد 2 لاکھ 22 ہزار 400 روپے ہے۔

ایسوسی ایشن کے مطابق 10 گرام سونے پر 343 روپے کم ہوئے، جس کے بعد قیمت ایک لاکھ 90 ہزار 672 روپے ہے۔ 

عالمی صرافہ بازار میں سونے کا بھاؤ 4 ڈالر کم ہوکر ایک ہزار 918 ڈالر فی اونس ہے۔

بشکریہ جنگ