ملک میں سونے کی فی تولہ قیمت ایک لاکھ 9 ہزار سے تجاوز کرگئی

ملک میں آج سونے کی فی تولہ قیمت میں 800 روپے کا اضافہ ہوا ہے جس کے بعد اس کی نئی قیمت ایک لاکھ 9 ہزار روپے سے تجاوز کرگئی۔

پی ایس ایکس بینچ مارک ہنڈریڈ انڈیکس 106 پوائنٹس کی کمی کے بعد 47 ہزار 273 پوائنٹس پر بند ہوا۔

سندھ صرافہ بازار جیولرز ایسوسی ایشن کے مطابق نئے اضافے کے بعد ملک میں فی تولہ سونے کی قدر ایک لاکھ 9 ہزار 100 روپے ہوگئی ہے۔

اسی طرح دس گرام سونے کی قدر 868  روپے اضافے سے 93 ہزار 536 روپے ہے۔

انٹربینک تبادلہ مارکیٹ میں ڈالر کی قدر 9 پیسے اضافے سے 164 روپے 01 پیسے پر بند ہوئی ہے۔

صرافہ ایسوسی ایشن کے مطابق عالمی صرافہ مارکیٹ میں سونے کی قدر 15 ڈالر اضافے سے ایک ہزار 752 ڈالر فی اونس ہے۔ 

بشکریہ جنگ