ملک بھر کے صحافی آج پارلیمنٹ کے باہر دھرنا دیں گے

میڈیا پر قدغن اور پاکستان میڈیا ڈیولپمنٹ اتھارٹی کے خلاف ملک بھر کے صحافیوں کا آج پارلیمنٹ کے باہر دھرنا ہوگا جو پیر کو پارلیمنٹ کے مشترکہ اجلاس کے دوران بھی جاری رہے گا۔

پی ایف یو جے نے تمام صحافی برادری، سول سوسائٹی، انسانی حقوق کی تنظیموں، مزدور یونینوں، ورکرز ایسوسی ایشنوں، طلبہ گروپوں، ڈیجیٹل حقوق کے علم برداروں اور عام شہریوں سے اپیل کی ہے کہ وہ اس دھرنے میں بھرپور شرکت کریں۔

پاکستان ڈیموکریٹک موومنٹ (پی ڈی ایم) میں شامل جماعتیں بھی پارلیمنٹ کے مشترکہ اجلاس کے بائیکاٹ اور صحافیوں کے دھرنے میں شرکت کا اعلان کرچکی ہیں۔

بشکریہ جنگ