ملک بھر میں موسم آج گرم اور خشک رہے گا

ملک کے بیشتر علاقوں میں موسم آج گرم اور خشک رہے گا۔

محکمہ موسمیات کے مطابق ملک کے میدانی علاقے شدید گرمی کے زیراثر رہیں گے۔ پنجاب میں 15 مئی تک ہیٹ ویو جاری رہنے کا امکان ہے۔

دوسری جانب شدید گرمی میں ملک کے مختلف شہروں میں طویل لوڈشیڈنگ کا سلسلہ بھی جاری ہے، جس کے باعث شہریوں کی مشکلات بڑھ گئی ہیں۔

چیف میٹرولوجسٹ سردار سرفراز کا کہنا ہے کہ کراچی کے علاوہ پاکستان کے مختلف حصے ہیٹ ویو کی لپیٹ میں ہیں۔

کراچی کے مختلف علاقوں میں لوڈشیڈنگ کا دورانیہ 6 سے 12 گھنٹے تک پہنچ گیا ہے۔ حیدرآباد، سکھر، نواب شاہ سمیت سندھ، پنجاب،خیبرپختونخوا اور بلوچستان کے کئی شہروں میں بھی لوڈشیڈنگ کے باعث شہریوں کو مشکلات کا سامنا ہے۔

بشکریہ جنگ