ملکی معاشی حالات کو 2018ء کی تبدیلی تباہ کرگئی، رانا ثنا اللّٰہ

مسلم لیگ (ن) پنجاب کے صدر رانا ثنا اللّٰہ نے کہا ہے کہ 2018ء کی تبدیلی ملک کی معاشی حالات تباہ کرگئی۔

جہانیاں میں میڈیا سے گفتگو میں رانا ثنا اللّٰہ نے کہا کہ ڈسکہ الیکشن دندھالی میں وزیراعظم عمران خان، وزیراعلیٰ عثمان بزدار، فردوس عاشق اور دیگر ملوث ہیں۔

انہوں نے کہا کہ حلقہ 206 ء کا الیکشن ہمیں ہر صورت میں فری اینڈ فیئر بنانا ہے۔

سابق وزیراعظم اور اپوزیشن اتحاد (پی ڈی ایم) کے سیکریٹری جنرل شاہد خاقان عباسی نے کہا ہے کہ مہنگائی کی بنیادی وجہ عمران خان حکومت کی تاریخی کرپشن ہے۔

ن لیگ پنجاب کے صدر نے مزید کہا کہ پیپلز پارٹی اسمبلی میں متحدہ اپوزیشن کےطور پر کام کررہی ہے۔

اُن کا کہنا تھا کہ اپوزیشن اتحاد پی ڈی ایم نے پیپلز پارٹی اور عوامی نیشنل پارٹی (اے این پی) کو نکالا نہیں بلکہ انہوں نے خود اسے چھوڑا ہے۔

سابق وزیراعظم نواز شریف کی صاحبزادی اور مسلم لیگ (ن) کی نائب صدر مریم نواز نےکہا ہے کہ آدھی سے زائد آبادی غربت کے گڑھے میں داخل کردی گئی ہے۔

رانا ثنا اللّٰہ نے یہ بھی کہا کہ یہ دونوں ہی پارٹیاں واپس آنا چاہیں تو اس کے فیصلہ پی ڈی ایم کے سربراہی اجلاس میں ہوگا۔

بشکریہ جنگ