ملکی اداروں کی اہم املاک اور تنصیبات پر حملہ افسوس ناک ہے: ڈاکٹر عشرت العباد

سابق گورنر سندھ ڈاکٹر عشرت العباد نے کہا ہے کہ ملکی اداروں کی اہم املاک اور تنصیبات پر حملہ افسوس ناک ہے۔

سابق گورنر سندھ ڈاکٹر عشرت العباد نے اپنے ٹوئٹ میں کہا ہے کہ سیاسی رہنماؤں کو عوام اور افواج کے درمیان دشمنی کو ہوا دینا بند کرنا چاہیے۔

ان کا کہنا ہے کہ اس سے ریاست مخالف عناصر کو فائدہ ہوتا ہے، اشتعال انگیزی کے پیشِ نظر فوج نے قابلِ تعریف تحمل کا مظاہرہ کیا ہے۔

سابق گورنر سندھ کا کہنا ہے کہ آئی ایس پی آر کا حالیہ بیان درست خدشات کو جنم دیتا ہے۔

انہوں نے مزید کہا کہ قائدین کو افواج اور عوام کے درمیان باہمی احترام اور ہم آہنگی کو فروغ دینا چاہیے۔

ڈاکٹر عشرت العباد کا یہ بھی کہنا ہے کہ ایسا کرنے میں ناکامی انہیں ریاست مخالف سازشوں میں معاون اور مددگار بناتی ہے۔

بشکریہ جنگ