ملزمان اطہر متین کو نہیں لوٹ رہے تھے، ایس ایس پی سینٹرل

ایس ایس پی سینٹرل کا کہنا ہے کہ ملزمان صحافی اطہر متین کو نہیں بلکہ کسے دوسرے شہری کو لوٹ رہے تھے۔

پولیس کے مطابق کے ڈی اے چورنگی کے قریب مسلح ملزمان ایک شہری کے ساتھ لوٹ مار کر رہے تھے کہ اطہر متین نے ملزمان کی موٹر سائیکل کو اپنی گاڑی سے ٹکر ماری جس سے ملزمان گر پڑے۔

اس کے بعد ایک ملزم نے اطہر متین پر گولی چلائی جو جان لیوا ثابت ہوئی، جائے وقوعہ سے 30 بور پستول کی گولی کا ایک خول بھی ملا ہے۔

کراچی کے علاقے نارتھ ناظم آباد میں ایک کار پر فائرنگ کے واقعہ میں سماء ٹی وی کا پروڈیوسر جاں بحق ہوگیا، ملزمان اپنی موٹر سائیکل چھوڑ کر سڑک کے دوسری طرف دوسری موٹر سائیکل چھین کر فرار ہوگئے۔

ایس ایس پی سینٹرل نے بتایا کہ ملزمان نے قریب سے ایک موٹر سائیکل چھینی اور فرار ہوگئے، پولیس نے جائے وقوعہ سے ملزمان کی موٹر سائیکل بھی تحویل میں لے لی ہے۔

ایس ایس پی سینٹرل نے مزید بتایا کہ جس شہری سے موٹر سائیکل چھینی گئی اس کا بیان لے لیا ہے، جس شہری سے ڈاکو لوٹ مار کر رہے تھے وہ موقع سے نہیں ملا ہے۔

بشکریہ جنگ