ملتان : پی پی 217 سے ٹی ایل پی کے امیدوار کو ضابطہ اخلاق کی ورزی پر نوٹس مل گیا

ڈسٹرکٹ مانیٹرنگ آفیسر ملتان نے ضابطہ اخلاق کی خلاف ورزی پر کارروائی کی اور ٹی ایل پی امیدوار کو نوٹس جاری کردیا۔

ترجمان الیکشن کمیشن کے مطابق ملتان کے حلقے پی پی 217 سے تحریک لبیک پاکستان (ٹی ایل پی) کے امیدوار زاہد حمید گجر کو ریلی نکالنے پر نوٹس جاری کیا گیا۔

ترجمان کے مطابق امیدوار کی جانب سے ریلی یا جلسے کے انعقاد سے پہلے انتظامیہ سے اجازت لینا لازمی ہے، اس لیے ضابطہ اخلاق کی خلاف ورزی پر کارروائی کی۔

ترجمان الیکشن کمیشن کے مطابق ڈسٹرکٹ مانیٹرنگ آفیسر نے زاہد حمید گجر کو اس معاملے میں وضاحت کےلیے 13 جولائی کو طلب کرلیا ہے۔

بشکریہ جنگ