ملتان میں پی ایس ایل میچز ختم، نجم سیٹھی حمایت پر شائقین کے مشکور

چیئرمین پاکستان کرکٹ بورڈ (پی سی بی) مینجمنٹ کمیٹی نے ملتان میں ٹیموں کی بھرپور حمایت کرنے پر ملتان کے کرکٹ شائقین کا شکریہ ادا کیا۔ 

نجم سیٹھی کا کہنا تھا کہ ملتان نے ثابت کیا کہ پاکستان سپر لیگ (پی ایس ایل) ان کے اور پاکستان کے لیے کیا معنی رکھتا ہے۔

انہوں نے ملتان میں پی ایس ایل میچز کے کامیاب انعقاد پر مقامی انتظامیہ کا بھی شکریہ ادا کیا۔ 

نجم سیٹھی کا کہنا تھا کہ ملتان میں آخری میچ نے شائقین کو خوب محظوظ کیا، کراچی و ملتان کا معرکہ یاد رکھا جائے گا۔

چیئرمین پی سی بی مینجمنٹ کمیٹی نے کہا کہ پاکستان سپر لیگ میں بہت کچھ باقی ہے۔ ابھی پی ایس ایل ایکشن لاہور اور راولپنڈی میں بھی نظر آئے گا۔

بشکریہ جنگ