ملتان سلطانز کا پشاور زلمی کو جیت کیلئے 183 رنز کا ہدف

ملتان سلطانز نے پاکستان سپر لیگ (پی ایس ایل) سیون کے 16ویں میچ میں پشاور زلمی کو جیت کے لیے 183 رنز کا ہدف دے دیا۔ 

لاہور کے قذافی اسٹیڈیم میں کھیلے جانے والے اس میچ میں پشاور زلمی نے ٹاس جیت کر ملتان کو بیٹنگ کی دعوت دی۔ 

دفاعی چیمپئن نے مقررہ 20 اوورز میں 7 وکٹوں کے نقصان پر 182 رنز بنائے۔ 

خیال رہے کہ کراچی میں ایونٹ کے میچز کا اختتام ہونے کے بعد اب لاہور کے قذافی اسٹیڈیم میں بقیہ میچز کا آغاز ہوگیا۔ 

ٹاس کے موقع پر پشاور زلمی کے کپتان وہاب ریاض کا کہنا تھا کہ ڈیو فیکٹر کے باعث فیلڈنگ کا فیصلہ کیا۔

انہوں نے اس اعتماد کا بھی اظہار کیا کہ ان کی ٹیم 170 رنز کا ٹارگٹ آسانی سے حاصل کرسکتے ہیں۔

کپتان ملتان سلطانز نے کہا کہ تازہ پچ ہے، ڈیو فیکٹر کے بارے میں نہیں سوچ رہا۔

انہوں نے یہ بھی کہا کہ پریکٹس میں کافی محنت کی ہے، ذہنی طور پر تیار ہیں۔

بشکریہ جنگ