مفت ملنے والے پرانے صوفے نے امریکی خاتون کو مالا مال کردیا

امریکی ریاست کیلیفورنیا کی خاتون کو استعمال شدہ صوفے سے 36 ہزار ڈالر کی رقم مل گئی۔

وکی اُمودو نامی خاتون کو صوفہ سیٹ کی ضرورت تھی اور انہوں نے استعمال شدہ فرنیچر کی ویب سائٹ سے ایک صوفہ پسند کیا۔

ایک فیملی یہ صوفے فروخت کرنا چاہتی تھی کیونکہ اس کو استعمال کرنے والے ان کے رشتے دار کا انتقال ہوچکا تھا۔

ویب سائٹ پر یہ صوفہ سیٹ ’’مفت اشیا‘‘ کی کیٹگری میں تھا جہاں سے وکی اُمودو نے اسے پسند کیا اور گھر لے کر آگئیں۔

ایک صوفے کے کُشن سے اُمودو نے ہزاروں ڈالر کی نقدی برآمد کی۔

انہوں نے جس فیملی سے یہ صوفہ خریدا تھا اس کو فون کرکے اطلاع دی اور پورے 36 ہزار ڈالر واپس بھجوا دیے۔

رقم واپس کرنے پر صوفہ دینے والی فیملی نے اُمودو کو 2200 ڈالر شکریہ کے ساتھ بھیجے جس سے انہوں نے نیا فریج خرید لیا۔

فیملی کو نہیں معلوم کہ اتنی بڑی رقم صوفے میں کب سے جمع تھی لیکن انہوں نے میڈیا کو بتایا کہ ایک قریبی رشتے دار کے انتقال بعد گھر کی کئی جگہوں سے ہزاروں ڈالر برآمد ہوچکے ہیں۔

بشکریہ جنگ