مغربی ہواؤں کا سلسلہ آج بالائی علاقوں میں داخل ہونے سے بارش کا امکان

محکمۂ موسمیات نے پیش گوئی کی ہے کہ آج شام یا رات سے مغربی ہواؤں کا سلسلہ ملک کے بالائی علاقوں میں داخل ہو گا۔

محکمۂ موسمیات کے مطابق آج شام سے 16 جولائی کے دوران بارکھان، لورالائی اور قلات میں گرج چمک کے ساتھ بارش کا امکان ہے۔

خضدار، ژوب، لسبیلہ، آواران، موسیٰ خیل، ڈی جی خان، راجن پور میں بارش متوقع ہے۔

ملتان، بھکر، لیہ، کوٹ ادو، سکھر، جیکب آباد، نگر پارکر اور تھر پارکر میں تیز ہواؤں کے ساتھ بارش متوقع ہے۔

عمر کوٹ، سانگھڑ اور میر پور خاص میں بھی آندھی اور گرج چمک کے ساتھ بارش کا امکان ہے۔

بشکریہ جنگ