معروف کمنٹیٹر کا شاہین اور حارث رؤف کیلئے اردو میں خصوصی پیغام
معروف کمنٹیٹر ایلن ولکنز نے انگلش ٹی ٹوئنٹی لیگ دی ہنڈرڈ میں شامل ہونے پر قومی کرکٹ ٹیم کے فاسٹ بولر شاہین شاہ آفریدی اور حارث رؤف کے لیے اردو میں خصوصی پیغام جاری کیا ہے۔
سماجی رابطے کی ویب سائٹ ٹوئٹر پر جاری کیے گئے پیغام میں سابق برطانوی کرکٹر ایلن ولکنز نے کہا کہ مجھے یہ جان کر بے حد خوشی ہوئی ہے کہ پاکستان کے دو عظیم فاسٹ بولر شاہین آفریدی اور حارث رؤف اس سال میرے ملک ویلز کی ٹیم کے لیے دی ہنڈرڈ لیگ میں کھیلیں گے۔
انہوں نے کہا کہ ویلش فائر اب ایک بہت مضبوط ٹیم لگ رہی ہے۔
واضح رہے کہ پاکستان کے متعدد کھلاڑی انگلش کرکٹ لیگ دی ہنڈرڈ کا حصہ بن گئے ہیں، فاسٹ بولر شاہین آفریدی ڈرافٹنگ میں پاکستان کے سب سے مہنگے کھلاڑی رہے۔
ویلش فائر نے شاہین آفریدی کو ایک لاکھ پاؤنڈ میں پِک کیا جبکہ حارث رؤف بھی 60 ہزار پاؤنڈ میں ویلش فائر کا حصہ بن گئے ہیں۔
اوول انونسیبلز نے فاسٹ بولر احسان اللّٰہ کو 40 ہزار پاؤنڈ میں پِک کیا جبکہ شاداب خان کو ایک لاکھ پاؤنڈ میں برمنگھم فینکس نے ری ٹین کیا ہے۔
انگلش ٹی ٹوئنٹی لیگ دی ہنڈرڈ کے ڈرافٹنگ میں بابر اعظم اور محمد رضوان کو کسی ٹیم نے پک نہیں کیا۔
Comments are closed.