مظاہرے کے دوران پی ٹی آئی رہنما آپس میں الجھ پڑے

کراچی میں تحریک انصاف کے تحت راشد منہاس روڈ کے قریب عمران خان سے  اظہار یکجہتی کیلئے احتجاج کیا  گیا، مظاہرے کے دوران پی ٹی آئی رہنما آپس میں الجھ پڑے۔

پی ٹی آئی کراچی کے صدر آفتاب صدیقی نے تقریر کے دوران فردوس شمیم نقوی سے مائیک چھین لیا۔

پی ٹی آئی رہنما نصیر جنجوعہ نے کہا کہ اسد عمر اور پی ٹی آئی قیادت نے حکم دیا تھا پولیس یا فورس کو آگے نہیں آنے دینا۔

فردوس شمیم نے دوران تقریرکارکنان سے کہا کہ آپ کسی پیغام کا انتظار مت کیجیے گا، اس پر آفتاب صدیقی نے آکر فردوس شمیم نقوی سے مائیک چھین لیا اور کہا کہ سب کو معلوم ہے کیسے چلنا ہے، آپ چھوڑیں۔

مائیک چھیننے پر فردوس شمیم نقوی اور آفتاب صدیقی میں تلخ کلامی ہوئی۔

اس واقعے کے بعد پی ٹی آئی رہنما فردوس شمیم نقوی ناراض ہو کر اسٹیج سے نیچے اتر گئے جبکہ واقعے کی ویڈیو سوشل میڈیا پر وائرل ہو رہی ہے۔

بشکریہ جنگ