مشیر کھیل پنجاب وہاب ریاض سے بابر اعظم کی ملاقات

وزیرِاعلیٰ پنجاب کے مشیر برائے کھیل وہاب ریاض سے کپتان قومی کرکٹ ٹیم بابر اعظم نے ملاقات کی، اس دوران پنجاب میں کھیلوں کی ترقی و فلاح کے حوالے سے گفتگو کی گئی۔ 

مشیر کھیل نے بابر اعظم کو پنجاب ہاکی چیمپئن شپ کی افتتاحی تقریب میں شرکت کی دعوت دی۔

مشیر کھیل پنجاب اور کپتان قومی کرکٹ ٹیم نے مل کر پاکستان میں کھیلوں کے فروغ کے لیے کام کرنے کے عزم کا اظہار کیا۔

اس موقع پر گفتگو کرتے ہوئے مشیر کھیل پنجاب وہاب ریاض کا کہنا تھا کہ رمضان گیمز میں تعاون پر بابر اعظم کا مشکور ہوں۔

انہوں نے یہ بھی کہا کہ پاکستان میں کھیلوں کا بےپناہ ٹیلنٹ موجود ہے۔ 

اس موقع پر کپتان بابر اعظم کا کہنا تھا کہ وہاب ریاض کے ساتھ کھیل اور کھلاڑیوں کی ترویج کےلیے ہر ممکن تعاون کروں گا۔

انہوں نے کہا کہ پاکستان میں موجود ٹیلنٹ کو پروموٹ کرنا ہم سب کی ذمہ داری ہے۔

بشکریہ جنگ