مسلم لیگ ن کی سینئر قیادت کا علیم خان سے رابطہ

مسلم لیگ ن کی سینئر قیادت نے پی ٹی آئی رہنما علیم خان سے رابطہ کیا ہے۔

ذرائع کے مطابق علیم خان نے 30 روز میں 40 سے زائد ارکان صوبائی اسمبلی سے ملاقاتیں کی ہیں، ان 40 ارکان میں 10 صوبائی وزراء بھی شامل ہیں۔

ذرائع کے مطابق سیاسی منظرنامہ واضح ہونے تک تمام ارکان کے ناموں کو پوشیدہ رکھاجائے گا۔

ذرائع کا کہنا ہے کہ علیم خان آج ترین ہم خیال گروپ سے ملنے جہانگیر ترین کی رہائش گاہ جائیں گے، علیم خان اور جہانگیر خان ترین آج سے مشترکہ سیاسی حکمت عملی اپنائیں گے۔

ملک کی سیاسی صورتحال اور عدم اعتماد کی تحریک کے معاملے پر ترین گروپ کا اہم مشاورتی اجلاس آج لاہور میں طلب کرلیا گیا ہے۔

ذرائع کے مطابق پارٹی میں تمام گروپس کو اکٹھا کرکے مشترکہ لائحہ عمل اپنایا جائے گا۔

واضح رہے کہ ترین گروپ نے جہانگیر ترین کی رہائش گاہ پر آج ایک اہم اجلاس طلب کیا ہے جس میں جہانگیر ترین لندن سے ویڈیو لِنک پر  شریک ہوں گے۔

بشکریہ جنگ