مسلسل بارش، پاک بنگلادیش ٹیسٹ کا تیسرا روز بھی خطرے میں

ڈھاکا میں رات بھر مسلسل بارش کے بعد پاکستان اور بنگلادیش کے درمیان ٹیسٹ میچ کے تیسرے روز کا کھیل بھی خطرے میں پڑگیا۔

رپورٹس کے مطابق بارش کے باعث ٹیموں کی ہوٹل سے اسٹیڈیم روانگی میں تاخیر ہوگئی۔ مقامی وقت کے مطابق 9 بجے میچ آفیشلز کی جانب سے اگلی اپ ڈیٹ دی جائے گی۔

اگر آج میچ کھیلا جاتا ہے تو پاکستان اپنی اننگز 188 رنز دو کھلاڑی آؤٹ سے آگے بڑھائے گا۔ اظہر علی 52 اور بابر اعظم 71 رنز پر ناٹ آؤٹ ہیں۔

واضح رہے کہ پاکستان کو 2 ٹیسٹ میچوں کی سیریز میں ایک صفر کی برتری حاصل ہے۔

بشکریہ جنگ