مسجدالحرام میں سستے سے فون سے سیلفی لیتے شخص کی ویڈیو وائرل

عمرے کے لیے گئے ایک شخص کی سستے سے فون سے سیلفی بناتے ہوئے  ویڈیو سوشل میڈیا پر وائرل ہوگئی ہے۔

ایسے دور میں جب اسمارٹ فون تقریباََ ہر دوسرے شخص کے ہاتھ میں نظر آتا ہے، سوشل میڈیا کے مختلف پیجز پر وائرل ہونے والی اس ویڈیو میں ایک شخص کو مسجدالحرام میں اپنے سستے اور پرانے ماڈل کے نوکیا فون سے اپنی سیلفی بناتے ہوئے دیکھا جاسکتا ہے۔

سوشل میڈیا صارفین کی جانب سے اس وائرل ویڈیو پر ملے جلے ردِ عمل کا اظہار کیا جارہا ہے۔

کچھ صارفین اس ویڈیو میں نظر آنے والے شخص کو مشکل مالی حالات کا سامنا ہونے کے باجود بھی عمرہ کرنے کی سعادت نصیب ہونے پر خوشی کا اظہار کر رہے ہیں۔

البتہ، کچھ صارفین اس سفید پوش شخص کی اجازت کے بغیر  اس کی یوں ویڈیو بنا کر سوشل میڈیا پر وائرل کرنے پر تنقید کرتے نظر آرہے ہیں۔

بشکریہ جنگ