مستونگ دھماکا، 8 افراد زیرِ حراست

مستونگ خودکش دھماکے میں ملوث ہونے اور سہولت کاری کے شبے میں 8 افراد کو حراست میں لے لیا گیا ہے۔

محکمۂ انسدادِ دہشت گردی (سی ٹی ڈی) کے ذرائع کے مطابق مستونگ دھماکے میں جاری تحقیقات کے سلسلے میں 8 افراد کو حراست میں لیا گیا ہے۔

حراست میں لیے گئے افراد کی نشاندہی پر مزید کارروائیاں کی جارہی ہیں۔

سی ٹی ڈی ذرائع کے مطابق خود کش حملہ آور کی شناخت کے حوالے سے تاحال ڈیٹا موصول نہیں ہوا ہے، حملہ آور کی شناخت کے لیے دیگر ذرائع بھی استعمال کیے جا رہے ہیں۔

سی ٹی ڈی ذرائع کا کہنا ہے کہ ڈی این اے اور فرانزک کی رپورٹس تاحال موصول نہیں ہوئیں۔

سی ٹی ڈی کے مطابق مستونگ خودکش دھماکے کی تحقیقات اور نتائج میں کچھ وقت لگےگا۔

سی ٹی ڈی ذرائع کا کہنا ہے کہ مستونگ خودکش دھماکے کی تحقیقات جاری ہیں، قانون نافذ کرنے والے اداروں کے ساتھ مل کر مختلف آپریشنز کیے جا رہے ہیں۔

بشکریہ جنگ