مری میں تیز بارش، کئی مقامات پر درخت گرگئے

ملک کے مختلف علاقوں میں بارشوں کا سلسلہ جاری رہنے کے باعث سیلابی صورتحال کی وجہ سے لوگوں کو سخت مشکلات کا سامنا ہے۔

مری اور گلیات میں طوفانی بارش سے کئی مقامات پر درخت گرنے سے راستے بند ہوگئے۔ جھیکا گلی اور لوئر ٹوپہ روڈ پر درخت گرے۔

ٹانک، جنوبی وزیرستان اور ژوب سے سیلابی ریلا ڈی آئی خان میں داخل ہوگیا ہے۔ کلاچی، درابن اور پروا تحصیلوں کے درجنوں دیہات زیرِ آب آگئے ہیں۔

طوفانی بارش سے مری اور گلیات میں لینڈ سلائیڈنگ کا خدشہ بھی پیدا ہوگیا ہے جس کے بعد سیاحوں کو احتیاط برتنے کی ہدایت کی گئی ہے۔

بشکریہ جنگ