مریم نواز کے بیٹے کی شادی کی تقریبات جاری

پاکستان مسلم لیگ (ن) کی مرکزی نائب صدر مریم نواز کے بیٹے جنید صفدر کی شادی کی تقریبات لاہور میں جاری ہیں۔ اس موقع پر مریم نواز بیٹے کی مہندی لائیں اور گانا بھی گنگنایا۔

گزشتہ کئی روز سے جنید صفدر کی شادی کی تقاریب کی ویڈیوز سوشل میڈیا پر وائرل ہورہی ہیں۔ اب سوشل میڈیا پر ایک اور ویڈیو وائرل ہورہی ہے جس میں مریم نواز اپنے شوہر کیپٹن (ر) صفدر کے ہمراہ ایک تقریب میں شریک ہیں۔

ویڈیو میں مریم نواز شادی بیاہ میں گایا جانے والا روایتی گیت ’میرے نیہر سے آج مجھے آیا یہ پیلا جوڑا، یہ ہری ہری چوڑیاں‘ گارہی ہیں۔ اس دوران مریم نواز اور دیگر خواتین کو مہندی کی پلیٹیں اٹھائے ہوئے بھی دیکھا جاسکتا ہے۔

علاوہ ازیں مریم نواز کے بیٹے جنید صفدر اپنے والد کیپٹن ریٹائرڈ محمد صفدر کے ساتھ آبائی علاقے مانسہرہ بھی گئے جہاں انہوں نے دادا اور دادی کی قبروں پر حاضری دی اور صوفیانہ کلام بھی پڑھا۔

پاکستان مسلم لیگ ن کی نائب صدر مریم نواز کی بیٹے، محمد جنید صفدر کے ساتھ نئی ویڈیو سوشل میڈیا پر وائرل ہو رہی ہیں۔

واضح رہے کہ مریم نواز نے بیٹے کی شادی کے موقع پر سیاسی سرگرمیاں معطل کر رکھی ہیں۔ کچھ دن پہلے بھی شادی کی تقریب میں مریم نواز نے گانا گایا تھا۔

بشکریہ جنگ