مریم نواز کی سزا کیخلاف اپیل پر سماعت ملتوی
مسلم لیگ نون کی رہنما، سابق وزیرِ اعظم نواز شریف کی صاحبزادی مریم نواز کی ایون فیلڈ ریفرنس میں سزا کے خلاف اپیل پر اسلام آباد ہائی کورٹ نے سماعت ملتوی کر دی۔
عدالتِ عالیہ کے جسٹس عامر فاروق اور جسٹس محسن اخترکیانی نے مریم نواز کی اپیل پر سماعت کی۔
اسلام آباد ہائی کورٹ میں مریم نواز اور ان کے شوہر کیپٹن ریٹائرڈ صفدر پیش ہوئے۔
مریم نواز کے وکیل عرفان قادر کی جانب سے التواء کی درخواست عدالتِ عالیہ میں پیش کی گئی۔
درخواست کے مطابق عرفان قادر سپریم کورٹ میں مصروفیت کے باعث عدالت میں پیش نہیں ہوئے۔
اسلام آباد ہائی کورٹ نے مریم نواز کے وکیل عرفان قادر کی التواء کی درخواست منظور کر لی۔
عدالتِ عالیہ نے ایون فیلڈ ریفرنس میں مریم نواز کی اپیل پر سماعت 21 دسمبر تک ملتوی کر دی۔
بشکریہ جنگ
Comments are closed.