مریم نواز کو پاکستان سے بھگانے نہیں دیں گے، فواد چوہدری

پی ٹی آئی کے رہنما فواد چوہدری کا کہنا ہے کہ حکومت مسلم لیگ ن کی نائب صدر مریم نواز کو پاکستان سے بھگانے کی کوشش کرے گی۔

گھڑی 5کروڑ کی ہو یا10کروڑ کی اگر میری ہے اور میں نے بیچ دی تو اس پر کوئی اعتراض بنتا نہیں: فواد

انہوں نے کہا کہ شہباز شریف حکومت میں آئے پہلے دن چینی کی قیمت میں 10 روپے اضافہ کیا گیا، موجودہ حکومت نے گھی کی قیمت میں بھی اضافہ کردیا ہے، جوسبسڈی پی ٹی آئی نے عوام کودیں وہ جاری رکھی جائیں۔

فواد چوہدری نے کہا کہ عوام کودیا گیا ریلیف واپس نہ لیا جائے، شہباز شریف کوکہنا چاہتے ہیں کہ آپ نے گھبرانا نہیں ہے۔

فواد چوہدری نے یہ بھی کہا کہ ہمیں نواز شریف کے واپس آنے پر نظر رکھنی ہے، مریم نواز کو پاکستان سے بھگانے نہیں دیں گے۔

انہوں نے کہا کہ اگر مریم نواز کو پاکستان سے بھگایا گیا توپوری قوم ایئرپورٹ پہنچے گی۔

بشکریہ جنگ