مریم نواز چچا شہباز شریف کو مبارکباد دیتے ہوئے آبدیدہ ہوگئیں

مسلم لیگ ن کی نائب صدر مریم نواز اپنے چچا شہباز شریف کو  وزیراعظم  منتخب ہونے پر مبارکباد دیتے ہوئے جذبات پر قابو نہ رکھ سکیں اور رو پڑیں۔

مریم نواز کے پولیٹیکل سیکریٹری زیشان ملک نے مریم نواز کی وزیراعظم ہاؤس آمد کی ویڈیو ٹوئٹر پر جاری کی۔

سوشل میڈیا پر زیرِ گردش چند سیکنڈ کی ویڈیو میں دیکھا جاسکتا ہے کہ مریم نواز چچا کو گلے لگا کر مبارکباد دیتی ہیں ، ایسے میں وہ آبدیدہ بھی ہوجاتی ہیں۔

ویڈیو میں دیکھا جاسکتا ہے کہ مریم نواز کے عقب میں ہی ان کے شوہر کیپٹن ریٹائرڈ صفدر بھی موجود ہیں۔

سوشل میڈیا صارفین اس مختصر ویڈیو پر تبصرے کرتے ہوئے چچا بھتیجی کے آپس میں بہترین تعلقات سے متاثر دکھائی دے رہے ہیں۔

عہدے کا حلف اُٹھانے کے دوران شہباز شریف نے جلد بازی میں آئین و قانون کی جگہ صرف آئین پڑھا اور قانون چھوڑ دیا۔

نومنتخب وزیراعظم شہباز شریف کی شیروانی کے چرچے تو ان کے عہدہ سنبھالنے سے کافی پہلے ہی زبان زدِ عام و خاص تھے۔

بشکریہ جنگ