مریم نواز براستہ دوحہ لندن کیلئے روانہ

مسلم لیگ ن کی نائب صدر، سابق وزیرِ اعظم نواز شریف کی صاحبزادی مریم نواز  3 سال بعد پاسپورٹ واپسی کے بعد غیر ملکی پرواز سے آج براستہ دوحہ لندن کیلیے روانہ ہوگئیں۔

لاہور ایئر پورٹ پر مریم نواز کے ساتھ شہریوں نے سیلفیاں لیں۔

نواز شریف کے ذاتی معالج ڈاکٹر عدنان بھی مریم نواز کے ہمراہ جارہے ہیں۔

ذرائع کے مطابق مریم نواز آج صبح دس بجے نجی ایئرلائن کی پرواز سے لندن روانہ ہوں گی، وہ اب سے کچھ دیر بعد ایئرپورٹ جائیں گی۔

خاندانی ذرائع نے بتایا ہے کہ مریم نواز کے شوہر کپٹن ریٹائرڈ محمد صفدر کچھ روز بعد لندن جائیں گے۔

واضح رہے کہ 1 روز قبل لاہور ہائی کورٹ نے مریم نواز کی پاسپورٹ واپسی کی درخواست منظور کر لی تھی۔

عدالتِ عالیہ نے مریم نواز کی درخواست منظور کرتے ہوئے ان کا پاسپورٹ واپس کرنے کی ہدایت بھی کی تھی۔

بشکریہ جنگ