مراد علی شاہ کی کشتی ڈول گئی
وزیرِ اعلیٰ سندھ مراد علی شاہ کشتی میں سوار ہو کر سیلاب متاثرہ علاقوں میں پہنچے تو کشتی ڈول گئی۔
وزیر اعلیٰ کی مدد کے لیے سیکیورٹی گارڈز بڑی کشتی لے کر پہنچ گئے، سیکیورٹی گارڈز نے مراد علی شاہ کو دوسری کشتی میں سوار کرایا۔
وزیرِ اعلیٰ سندھ مراد علی شاہ نے سیہون میں متاثرہ علاقوں کا دورہ کیا۔
دوسری جانب سندھ کے ضلع دادو میں بجلی کے گرڈ اسٹیشن کو بچانے کے لیے پاک فوج نے 36 گھنٹوں کی ہنگامی کارروائی کے دوران ڈھائی کلو میٹر طویل مضبوط بند بنا دیا۔
ذرائع کے مطابق سندھ کے سیلاب زدہ علاقوں میں پاک فوج کی جانب سے امدادی کارروائیوں کا سلسلہ جاری ہے۔
ذرائع کے مطابق ضلع دادو میں سیلاب کے باعث بجلی کے گرڈ اسٹیشن کے پانی میں ڈوبنے کا خطرہ تھا۔
بشکریہ جنگ
Comments are closed.