مراد سعید نے ریحام خان کو قانونی نوٹس بھیج دیا
وفاقی وزیر مراد سعید نے وزیرِ اعظم عمران خان کی سابقہ اہلیہ ریحام خان کو قانونی نوٹس بھیج دیا۔
وفاقی وزیر مراد سعید کی جانب سے یہ قانونی نوٹس ریحام خان کی کتاب میں ان پر لگائے گئے الزامات پر دیا گیا ہے۔
نوٹس میں کہا گیا ہے کہ آپ کے شائع کردہ مسودے کا حوالہ دے کر مجھ پر تہمت لگائی گئی ہے، وزارتِ مواصلات کی کارکردگی کو متنازع بنایا گیا ہے۔
نوٹس میں کہا گیا ہے کہ مسودے سے مراد سعید کی ہتک اور وزارت سے منسلک اہلکاروں کی حوصلہ شکنی ہوئی ہے۔
نوٹس میں مراد سعید کی تمام کامیابیوں کو متنازع بنانے کے لیے ریحام خان کی تحریر کا حوالہ دیا گیا ہے۔
نوٹس کے مطابق ریحام خان کی تحریر کے ذریعے بہتان تراشی اور غلیظ پروپیگنڈا کیا جاتا ہے، ان کے نام سے پہلے بھی ایک مسودہ لیک ہوا جس کی آج تک انہوں نے تردید نہیں کی۔
نوٹس میں ریحام خان سے کہا گیا ہے کہ ان تمام بہتانوں میں آپ کی تحریر کا حوالہ ہے، آپ اسے ری ٹویٹ بھی کرتی رہی ہیں۔
نوٹس میں ریحام خان سے 14 روز میں اپنی تحریر کی وضاحت کر کے معافی مانگنے کا مطالبہ بھی کیا گیا ہے اور کہا گیا ہے کہ دوسری صورت میں قانونی کاروائی کے لیے تیار ہو جائیں۔
نوٹس میں یہ بھی کہا گیا ہے کہ وضاحت نہ کرنے اور معافی نہ مانگنے پر عدالت سے سخت سزا دینے اور 1 ارب روپے ہرجانے کی استدعا کی جائے گی۔
قانونی نوٹس کے ساتھ مختلف ٹی وی پروگراموں کی ویڈیوز اور سوشل میڈیا پوسٹس بھی منسلک ہیں۔
Comments are closed.