مذاکرات کے بعد کالعدم تنظیم کے ارکان کا مریدکے میں پڑاؤ

کالعدم تنظیم کے مظاہرین نے حکومت سے مذاکرات کے بعد مریدکے میں پڑاؤ ڈال دیا۔ راستوں کی بندش کے باعث گوجرانوالہ میں پیٹرول اور ڈیزل کی قلت پیدا ہوگئی ہے۔

دوسری جانب  لاہور میں ٹرین بند ہونے اور میٹرو بس کا روٹ محدود ہونے کے باعث شہریوں کو پریشانی کا سامنا ہے۔

علاوہ ازیں راولپنڈی میں کنٹینرز ہٹادیے گئے جس کے بعد تین دن سے بند راستے کھل گئے۔

وفاقی وزیر داخلہ شیخ رشید کا کہنا ہے کہ تمام بند راستے کھول دیے جائیں گے۔ معاہدے میں طے ہوا  ہے کہ یہ لوگ منگل کی شام تک مریدکے میں ہی بیٹھیں گے۔

بشکریہ جنگ