چڑیا گھر کے ڈائریکٹر کنور ایوب نے کہا ہے کہ مدھوبالا ہتھنی کے میڈیکل ٹیسٹ کی رپورٹس اب تک نہیں آئیں۔
جیو نیوز سے ٹیلی فون پر گفتگو کرتے ہوئے کنور ایوب نے کہا کہ ٹیم فورپاز کی ہدایات پر مدھوبالا ہتھنی کو وائرس سے بچاؤ کی ادویات دی گئی۔
انہوں نے کہا کہ مدھوبالا ہتھنی کے کمپاؤنڈ کے چاروں طرف وائرس سے بچاؤ کا اسپرے بھی کیا جا رہا ہے۔
واضح رہے کہ گزشتہ ماہ کراچی چڑیا گھر میں موجود بیمار ہتھنی نور جہاں انتقال کر گئی تھی۔
اس حوالے سے ایڈمنسٹریٹر کراچی نے کہا تھا کہ ہتھنی نور جہاں کو بچانے کے لیے تمام کوششیں کی گئیں، ہتھنی کا علاج عالمی ماہرین کی زیرِ نگرانی کیا گیا۔
Comments are closed.