مخالفین میری مقبولیت سے ذہنی دباؤ میں آ چکے ہیں، پرویز خٹک

پاکستان تحریک انصاف پارلیمنٹرین کے چیئرمین پرویز خٹک نے کہا ہے کہ اپوزیشن جماعتیں اُن کی مقبولیت سے خائف ہے، اُن کو دن رات خواب میں بھی میں ہی نظر آتا ہوں جس کی وجہ سے یہ لوگ ذہنی دباؤ کا شکار ہو چکے ہیں۔

نوشہرہ میں ورکرز کنونشن سے خطاب کرتے ہوئے پرویز خٹک نے کہا کہ 8 فروری کا دن باریاں بانٹنے والوں کی سیاست کا آخری دن ہوگا۔

پرویز خٹک نے کہا کہ میرے بغیر یہ لوگ حکومت نہیں چلا سکتے تھے، نہ اُن میں کوئی اہل تھا۔

پرویز خٹک نے کہا کہ پیپلز پارٹی، مسلم لیگ ن اور تحریک انصاف نے پاکستان کے 22 کروڑ عوام کو اندھیرے میں رکھا، ووٹ حاصل کرکے اپنے منشور پر عمل نہیں کیا۔

انہوں نے مزید کہا کہ سانحہ نو مئی کا دن پاکستان کے 22 کروڑ عوام کبھی نہیں بھول سکتے۔

بشکریہ جنگ