محکمہ تعلیم سندھ کی اسٹیئرنگ کمیٹی کا اسکول کھولنے سے متعلق اہم فیصلہ

وزیر تعلیم سندھ سردار شاہ کی زیر صدارت محکمہ تعلیم کی اسٹیئرنگ کمیٹی کا اجلاس ہوا۔ اجلاس میں محکمہ صحت نے 50 فیصد حاضری کے ساتھ تعلیمی ادارے کھولنے پر رضامندی ظاہر کی۔

شرکاء نے کہا کہ جن تعلیمی اداروں میں ویکسی نیشن 100 فیصد ہے انہیں کھولا جائے۔

ذرائع کے مطابق اسٹیئرنگ کمیٹی نے پیر 23 اگست سے 50 فیصد حاضری کے ساتھ تعلیمی ادارے کھولنے کا فیصلہ کیا ہے۔

فیصلے کے تحت جہاں ویکسی نیشن 100 فیصد ہو، وہ اسکول 100 فیصد حاضری کے ساتھ کھل سکتے ہیں۔

بشکریہ جنگ