محکمہ ایکسائز نے ٹیکس وصولی کیلئے خواجہ سراؤں کی خدمات حاصل کرلیں

محکمہ ایکسائز نے نادہندگان سے ٹیکس وصول کرنے کیلئے خواجہ سراؤں کی خدمات بھی حاصل کرلیں۔ لاہور کی وحدت روڈ پر تین خواجہ سرا بھی گاڑیاں روک کر شہریوں کو بروقت ٹیکس ادا کرنے کی ترغیب دیتے رہے۔

لاہور کی سڑکوں پر محکمہ ایکسائز کے ناکوں پر خواجہ سرا علیزے، لبنیٰ اور سجنی خان بھی سرگرم ہوگئے اور شہریوں کو ٹیکس بروقت ادا کرنے کی ترغیب دیتے رہے۔

ڈائریکٹر ایکسائز چوہدری آصف کا کہنا ہے کہ خواجہ سراؤں کو ہائر کرنے کا مقصد بھیک جیسی لعنت کی حوصلہ شکنی کرنا بھی ہے، ابتدائی طور پر ایک ناکے پر خواجہ سرا ٹیم کا حصہ ہوں گے۔

خواجہ سراؤں کا کہنا تھا کہ شہری بروقت ٹیکس ادا کریں، گاڑی فوری رجسٹرڈ کروائیں اور اسموگ کا باعث بننے والی گاڑیاں سڑکوں پر نہیں لائیں۔

بشکریہ جنگ