محمد عامر کا سرفراز کی شاندار بیٹنگ پر دلچسپ پیغام

قومی کرکٹ ٹیم کے فاسٹ باؤلر محمد عامر نے اسلام آباد یونائیٹڈ کے خلاف کوئٹہ گلیڈی ایٹرز کے کپتان سرفراز احمد کی شاندار بیٹنگ پر خصوصی پیغام جاری کردیا۔

مائیکرو بلاگنگ سائٹ ٹوئٹر پر جاری کیے گئے پیغام میں محمد عامر نے سرفراز احمد کی ناقابل شکست نصف سنچری پر اُن کی تعریف کی۔

محمد عامر نے دلچسپ پیغام جاری کرتے ہوئے کہا کہ ’بابو نام سُن کر فلاور سمجھا کیا بابو ہے۔‘

قومی کرکٹر نے مزید کہا کہ ’بابو کسی کے آگے جُھکے گا نہیں۔‘

واضح رہے کہ پاکستان سپر لیگ (پی ایس ایل) 7 کے 18ویں میچ میں کوئٹہ گلیڈی ایٹرز نے اسلام آباد یونائیٹڈ کو 5 وکٹ سے شکست دی۔

کوئٹہ گلیڈی ایٹرز نے اسلام آباد یونائیٹڈ کا 200 رنز کا ہدف 5 وکٹوں کے رہتے 2 گیندوں قبل ہی حاصل کرلیا تھا اور ایونٹ میں تیسری فتح اپنے نام کی۔

پاکستان سپر لیگ (پی ایس ایل) 7 کا 18واں میچ کوئٹہ گلیڈی ایٹرز اور اسلام آباد یونائیٹڈ کے درمیان کھیلا جارہا ہے۔

کوئٹہ کی اس کامیابی میں ایک بار پھر جیسن روئے نے نمایاں کردار ادا کیا اور 27 گیندوں پر 54 رنز کی اننگز کھیلی۔

 دوسری طرف کپتان سرفراز احمد نے ناقابل شکست رہتے ہوئے نصف سنچری اسکور کی اور میچ کے بہترین کھلاڑی قرار پائے۔

بشکریہ جنگ