محمد رضوان کی میلبرن کی مسجد میں درس دیتے ویڈیو وائرل

قومی ٹیم کے وکٹ کیپر بیٹر محمد رضوان کی میلبرن میں ایک مسجد میں درس دینے کی ویڈیو سوشل میڈیا پر وائرل ہو گئی۔

محمد رضوان نے سوشل میڈیا ویب سائٹ ایکس پر میلبرن کی ایک مسجد سے اپنی ویڈیو شیئر کی ہے جس میں اُنہیں مسجد کے منبر پر بیٹھ کر لوگوں کو درس دیتے ہوئے دیکھا جا سکتا ہے۔

سوشل میڈیا صارفین کی جانب سے کرکٹر کی اس وائرل ویڈیو پر ملے جلے ردِعمل کا اظہار کیا گیا ہے۔

کچھ صارفین دین کی تبلیغ کرنے پر ان کی تعریفیں کر رہے ہیں تو کچھ اُنہیں کرکٹ کے میدان میں اپنی پرفارمنس پر دھیان دینے کا مشورہ دیتے نظر آ رہے ہیں۔

یاد رہے کہ محمد رضوان کی مسجد میں درس دینے کی یہ کوئی پہلی ویڈیو نہیں ہے جو سوشل میڈیا پر وائرل ہوئی ہے۔

اس سے قبل 2022ء میں جب انہوں نے نیوزی لینڈ کی کرائسٹ چرچ مسجد میں درس دیا تھا تو ان کی اس موقع کی ویڈیو بھی سوشل میڈیا پر وائرل ہوئی تھی۔

بشکریہ جنگ