محمد رضوان نے سرفراز احمد کی تعریف کردی

پاکستان سپر لیگ (پی ایس ایل) کی ٹیم ملتان سلطانز کے کپتان محمد رضوان نے سرفراز احمد کی تعریف کردی۔

ملتان میں پریس کانفرنس کرتے ہوئے محمد رضوان نے کہا کہ سرفراز احمد تجربہ کار بیٹر ہیں، شاہین آفریدی ورلڈ کلاس بولر ہے۔

محمد رضوان نے کہا کہ لاہور قلندرز ہی نہیں سب کی تگڑی بولنگ ہے تمام ٹیمیں متوازن ہیں، ان کو کھیلنا آسان نہیں ہوتا ہم نے بھی حکمت عملی بنائی ہوئی ہے۔

بات یہ ہے کہ کونسی ٹیم جلد مومینٹم بناتی ہیں، میدان میں سب ٹیمیں برابر ہیں، گراؤنڈ میں کھیلنا مشکل ہوتا ہے سب پر دباؤ ہوتا ہے، ابھی کمبی نیشن نہیں بنایا، غیر ملکی کھلاڑیوں نے ابھی جوائن کرنا ہے۔

محمد رضوان نے مزید کہا کہ کراؤڈ کی وجہ سے فائدہ ہوتا ہے، اُمید ہے اچھا کراؤڈ آئے گا، اچھی کرکٹ کھیلنے کی کوشش کریں گے جو بہادری سے کھیلے گا جیتے گا۔

انہوں نے کہا کہ لاہور اور کراچی کی رقابت کا سنا تھا اب لاہور اور ملتان کی بھی ہوگئی ہے تو اچھی بات ہے،  ہمارے ایمرجنگ پلیئرز کو ابھی وقت لگتا ہے،  احسان اللّٰہ جس طرح بولنگ کر رہا ہے وہ اگلا حارث رؤف بن سکتا ہے، شاہین آفریدی اور حارث رؤف ورلڈ کلاس بولرز ہیں۔

بشکریہ جنگ