محمد رضوان بھارتی کرکٹر شامی کی حمایت میں بول پڑے

قومی کرکٹ ٹیم کے وکٹ کیپر بیٹسمین محمد رضوان بھارتی کرکٹ ٹیم میں شامل مسلمان کھلاڑی محمد شامی کی حمایت میں بول پڑے۔

محمد رضوان نے محمد شامی کا ایک پورٹریٹ اپنے ٹوئٹر اکاؤنٹ پر شیئر کرتے ہوئے کہا کہ ایک کھلاڑی کو اپنے ملک اور اس کے لوگوں کے لیے جس طرح کے دباؤ، جدوجہد اور قربانیوں سے گزرنا پڑتا ہے وہ ناقابلِ بیان ہے۔

پاکستان سے اچانک دورہ منسوخ کرنے والی نیوزی لینڈ کی ٹیم کا آج ٹی ٹوئنٹی ورلڈکپ میں پاکستان سے ٹاکرا ہوگا۔

انہوں نے محمد شامی کو ٹیگ کرتے ہوئے کہا کہ ’شامی ایک اسٹار ہے اور واقعی دنیا کے بہترین باؤلرز میں سے ہے۔‘

محمد رضوان نے کہا کہ براہِ کرم اپنے اسٹارز کا احترام کریں۔ 

واضح رہے کہ بھارت کی ٹی ٹوئنٹی میچ میں پاکستان کے ہاتھوں شکست پر بھارتی ٹیم کے واحد مسلمان کھلاڑی محمد شامی کو سوشل میڈیا پر شدید تنقید کا نشانہ بنایا جارہا ہے۔

مسلم لیگ نون کی نائب صدر مریم نواز نے وزیراعظم عمران خان کی سعودی عرب میں میچ دیکھتے تصویر پر تبصرہ کیا ہے۔

 بھارتی کرکٹ ٹیم کے کھلاڑی محمد شامی کو سوشل میڈیا پر غدار قرار دے دیا گیا ہے جبکہ پاکستان سے شکست پر محمد شامی کو بھارتی کرکٹ ٹیم سے نکالنے کے مطالبات بھی کیے جارہے ہیں۔

بشکریہ جنگ