محمد خان بھٹی کے 10 روزہ جسمانی ریمانڈ کی استدعا پر فیصلہ محفوظ

راولپنڈی کی عدالت نے اینٹی کرپشن ٹیم کی سابق وزیرِ اعلیٰ پنجاب چوہدری پرویز الہٰی دور کے سیکریٹری پنجاب اسمبلی محمد خان بھٹی کے 10 روزہ جسمانی ریمانڈ کی استدعا پر فیصلہ محفوظ کر لیا۔

محمد خان بھٹی کو سینئر سول جج راولپنڈی غلام اکبر کی عدالت میں پیش کیا گیا۔

اینٹی کرپشن حکام نے 10 روزہ جسمانی ریمانڈ کی استدعا کرتے ہوئے کہا کہ ملزم سے رقم اور چینی سے متعلق تفتیش کرنی ہے۔

راولپنڈی عدالت نے فیصلہ محفوظ کر لیا، جو کچھ دیر بعد سنایا جائے گا۔

مقدمے کے متن کے مطابق محمد خان بھٹی پر 30 کروڑ روپے کی کرپشن کا الزام ہے، انہوں نے الائنس شوگر ملز گھوٹکی سے چینی خرید کر اسٹاک کی۔

محمد خان بھٹی کو راہداری ریمانڈ پر لاہور سے تھانہ اینٹی کرپشن راولپنڈی منتقل کیا گیا تھا۔

بشکریہ جنگ