محمد حفیظ کا پی سی بی ٹیکنیکل کمیٹی سے الگ ہونے کا فیصلہ

سابق کپتان محمد حفیظ نے پاکستان کرکٹ بورڈ (پی سی بی) کی ٹیکنیکل کمیٹی سے الگ ہونے کا فیصلہ کرلیا۔ 

مائیکرو بلاگنگ ویب سائٹ ایکس پر اپنے بیان میں محمد حفیظ نے کہا کہ میں نے پاکستان کرکٹ بورڈ کی ٹیکنیکل کمیٹی سے الگ ہونے کا فیصلہ کیا ہے، میں اعزازی رکن کے طور پر کام کر رہا تھا۔

محمد حفیظ کا کہنا تھا کہ میں چیئرمین پی سی بی مینجمنٹ کمیٹی ذکاء اشرف کا شکریہ ادا کرتا ہوں جنہوں نے مجھے موقع دیا۔

انہوں نے مزید کہا کہ میری پاکستان کرکٹ کے ساتھ ہمیشہ کی طرح نیک خواہشات رہیں گی۔

ادھر ذرائع کا کہنا ہے کہ محمد حفیظ نے ریویو اجلاس میں رائے کو اہمیت نہ دیے جانے پر الگ ہونے کا فیصلہ کیا ہے۔

بشکریہ جنگ