محمد حفیظ کا انٹرنیشنل کرکٹ سے ریٹائرمنٹ کا فیصلہ

قومی کرکٹ ٹیم کے سابق ٹیسٹ کپتان محمد حفیظ نے بین الاقوامی کرکٹ سے ریٹائرمنٹ کا فیصلہ کر لیا ہے۔

ذرائع کے مطابق سابق ٹیسٹ کپتان ون ڈے اور ٹی 20سے بھی ریٹائرمنٹ لے رہے ہیں، جبکہ ٹیسٹ کرکٹ سے وہ 2018ء میں ریٹائرمنٹ لے چکے ہیں۔

پی سی بی کے موجودہ عہدیداران اور محمد حفیظ کے درمیان گزشتہ برس جون سے لیکر اب تک یہ تیسرا موقع ہے کہ وہ ایک دوسرے کے آمنے سامنے آئے ہیں لیکن اس مرتبہ معاملہ کی شدت زیادہ ہے۔

18 سال کے کرکٹ کیرئیر میں محمد حفیظ نے پاکستان کے لیے 55 ٹیسٹ 218 ون ڈے اور 119 ٹی 20 میچز کھیلے ہیں، جبکہ وہ تینوں فارمیٹس میں قومی ٹیم کی قیادت کے فرائض بھی انجام دے چکے ہیں۔

محمد حفیظ نے 392 بین الاقوامی میچز میں 12 ہزار 789 رنز بنائے ہیں جبکہ ان کی وکٹوں کی تعداد 253 ہے۔

قومی کرکٹ ٹیم کے آل راؤنڈر محمد حفیظ دورۂ بنگلہ دیش سے دستبردار ہوگئے۔

حفیظ پاکستان کے لئے 3 آئی سی سی ورلڈ کپ اور 6 ٹی ٹوئنٹی ورلڈ کپ کھیل چکے ہیں۔

ذرائع کا بتانا ہے کہ محمد حفیظ 11 بجے پریس کانفرنس کریں گے۔

بشکریہ جنگ