محمد حفیظ نے سیاسی صورتحال پر خصوصی اپیل کردی

پاکستان کرکٹ ٹیم کے سابق کپتان محمد حفیظ نے ملک کی موجودہ سیاسی صورتحال کو دیکھتے ہوئے خصوصی اپیل کردی۔

سوشل میڈیا اکاؤنٹ پر محمد حفیظ نے لکھا کہ ’عام پاکستانی ہونے کے ناطے میں امن اور زندگی گزارنے کے لیے ایک پُرسکون معاشرہ چاہتا ہوں‘۔

محمد حفیظ نے لکھا کہ ’میری تمام اسٹیک ہولڈرز سے عاجزانہ درخواست ہے کہ اپنے پیارے ملک کی ترقی کے لیے کوئی صحیح حل تلاش کریں‘۔

واضح رہے کہ 9 مئی کو تحریک انصاف کے چیئرمین عمران خان کی گرفتاری کے بعد سے ملک کے مختلف شہروں میں حالات کشیدہ ہوگئے تھے اور 3 دن سے ملک میں انٹرنیٹ سروسز بھی متاثر ہیں۔

بشکریہ جنگ