مجھے معلوم ہے جلسوں اور ریلیوں کے پیسے کہاں سے آتے ہیں، چوہدری عدنان

پاکستان تحریک انصاف (پی ٹی آئی) کے رہنما چوہدری عدنان نے کہا ہے کہ مجھے پتہ ہے رات کو ٹیبل پر بیٹھ کر کون پیسے بانٹتا ہے، مجھے معلوم ہے جلسوں اور ریلیوں کے پیسے کہاں سے آتے ہیں۔

راولپنڈی میں ورکرز سے خطاب کرتے ہوئے چوہدری عدنان نے کہا کہ عمران خان نے مجھے ٹکٹ دیا تھا، شیخ رشید نے رات کو سازش کی۔

انہوں نے کہا کہ عارف عباسی عمران خان کا نہیں لال حویلی کا امیدوار ہے۔

چوہدری عدنان کا کہنا ہے کہ عارف عباسی کو شیخ رشید کی سفارش پر ٹکٹ دیا گیا۔

پی ٹی آئی رہنما نے کہا کہ یہ مافیا کے لوگ ہیں، دو نمبر لوگوں سے فنڈز لیتے ہیں۔

ان کا کہنا ہے کہ میں پارٹی ٹکٹ نہیں مانگتا، الیکشن اوپن کر لیں دیکھتے ہیں کون جیتتا ہے۔

بشکریہ جنگ