مجھے شوہر کے قتل سے متعلق گمراہ کن معلومات دی گئی، اہلیہ ناظم جوکھیو

ناظم جوکھیو کی بیوہ شیریں جوکھیو نے اپنے حلف نامے میں کہا کہ  میرے شوہر کے قتل کا واقعہ اللّٰہ کی رضا سے ہوا ہے، مجھے میرے شوہر کے قتل سے متعلق گمراہ کن معلومات دی گئی۔

ناظم جوکھیو قتل کیس میں مقتول کی بیوہ کی جانب سے تیار کروایا گیا حلف نامہ سامنے آگیا۔

سندھ ہائیکورٹ میں ضمانت کے لیے آنے والے پیپلز پارٹی کے ایم این اے جام عبدالکریم نے صحافیوں سے بات چیت کرنے سے گریز کیا۔

اہلیہ ناظم جوکھیو نے کہا کہ رکن قومی اسمبلی جام  کریم ان کے بھائی، دیگر میرے شوہر کے قتل میں ملوث نہیں ہیں، مذکورہ 11 ملزمان سے متعلق مجھے غلط معلومات دی گئی تھیں۔

ناظم جوکھیو کی اہلیہ نے کہا کہ ان ملزمان کے نام ناظم جوکھیو قتل کیس سے نکالنے پر مجھے اعتراض نہیں، میرے شوہر کے قتل میں 3 ملزمان شامل ہیں۔

اہلیہ ناظم جوکھیو نے کہا کہ میرے شوہر کے قتل میں معراج، حیدر علی، نیاز سالار ملوث ہیں۔

بشکریہ جنگ