مجمع میں کچھ لوگوں کے پاس ہتھیار ہونے کی اطلاعات ملی ہیں، آئی جی اسلام آباد

آئی جی اسلام آباد اکبر ناصر خان نے کہا ہے کہ ہمیں اطلاعات ملی ہیں کہ اس مجمع میں کچھ لوگوں کے پاس ہتھیار ہیں، تمام شرکاء سے گزارش ہے کہ یہ سیاسی عمل ہے اس کو پُرامن رکھیں۔

آئی جی اکبر ناصر خان کا تحریک انصاف کے لانگ مارچ کے حوالے سے کہنا ہے کہ پولیس کو حکم ہے کہ مظاہرین پر غیرضروری طاقت کا استعمال نہ کرے، پولیس اور دیگر قانون نافذ کرنے والے اداروں کے اہلکاروں کے پاس کسی قسم کا ہتھیار نہیں۔

انہوں نے کہا کہ ریڈ زون میں کسی قسم کا داخلہ برداشت نہیں کیا جائے گا، سیاسی کارکن ریڈ زون میں داخل ہونے سے گریز کریں، کسی بھی قیمت میں ریڈ زون میں داخلے کی اجازت نہیں دی جائے گی۔

حکومت نے امن و امان کی صورتحال کے پیش نظر اسلام…

آئی جی اسلام آباد اکبر ناصر خان کا کہنا ہے کہ سب کو متنبہ کررہے ہیں کہ قانون کا احترام اور اعلیٰ عدلیہ کے احکامات کی تعظیم کریں۔

بشکریہ جنگ