متحد ہوکر بار بار گرفتاریوں کے عمل کو روکنا ہوگا، عابد زبیری

سپریم کورٹ بار ایسوسی ایشن کے صدر عابد زبیر ی نے کہا ہے کہ ہم سب کو متحد ہوکر بار بار گرفتاریوں کے عمل کو روکنا ہوگا۔

جیو نیوز کے پروگرام کیپٹل ٹاک میں گفتگو کے دوران عابد زبیری نے کہا کہ عدالتی حکم کے بعد پرویز الہٰی کی دوبارہ گرفتاری توہین عدالت ہے۔ آئی جی کے خلاف توہین عدالت کی کارروائی ہوسکتی ہے۔

صدر اسلام آباد ہائیکورٹ نوید ملک نے کہا ہے کہ چوہدری پرویز الہٰی کو ایک بار پھر گرفتار کرنا توہین عدالت ہے۔

صدر سپریم کورٹ بار نے یہ بھی کہا کہ عدلیہ قانون کی بالادستی کا ساتھ دے تو تمام مسائل حل ہوسکتے ہیں۔

ان کا کہنا تھا کہ تھری ایم پی او مارشل لا دور کاقانون ہے، ہم سب کو متحد ہوکر بار بار گرفتاریوں کے عمل کو روکنا ہوگا۔

بشکریہ جنگ