متحدہ کا عدالتی فیصلے پر عمل درآمد کے لیے ہائی کورٹ جانے کا فیصلہ

رہنما ایم کیو ایم سینیٹر فیصل سبزواری نے کہا ہے کہ سپریم کورٹ کے فیصلے پر عمل درآمد کے لیے سندھ ہائی کورٹ سے رجوع کرلیا ہے۔

جیو نیوز کے پروگرام آج شاہ زیب خان زادہ کے ساتھ میں بات کرتے ہوئے انہوں نے کہا کہ یہ وزیراعلیٰ کے گھر کا اختیار نہیں، عوام کا اختیار ہے جو انہیں دینا پڑے گا۔

اس سے قبل رہنما ایم کیو ایم پاکستان عامر خان نے کہا کہ وڈیروں سے جان چھڑانے کے لیے متحد ہو کر آواز اٹھانی ہوگی، سندھ حکومت کا نظرثانی پٹیشن پر جانا شرم کا مقام ہے۔

انہوں نے کہا کہ ایم کیو ایم کی درخواست پر سپریم کورٹ سے فیصلہ آیا ہے، سندھ حکومت کا نظر ثانی پٹیشن پر جانا شرم کا مقام ہے، کارکنوں کے ساتھ بیٹھ کر مذاکرات کی بات کرنے والے ناصر شاہ کے گھر میں مذاکرات کر رہے تھے۔

بشکریہ جنگ