متاثرینِ سیلاب کی امدادی اشیاء پر ٹیکس استثنیٰ کا فیصلہ جاری

وزیرِ اطلاعات مریم اورنگزیب نے کابینہ کی جانب سے متاثرینِ سیلاب کی امدادی اشیاء پر ٹیکس استثنیٰ دینے کے فیصلہ کی تفصیل جاری کر دی۔

مریم اورنگزیب نے بتایا کہ وزیرِ اعظم شہباز شریف کی ہدایت پر کابینہ نے 30 اگست 2022 کو ٹیکس استثنیٰ کی منظوری دی۔

ان کا کہنا تھا کہ متاثرینِ سیلاب کیلئے مچھر دانیوں، کشتیوں سمیت تمام اشیاء پر ٹیکس چھوٹ ہوگی۔

مریم اورنگزیب کا کہنا تھا کہ کابینہ کے 30 اگست2022 کے ٹیکسوں سے استثنیٰ کے فیصلے پر فوری عمل ہوا تھا۔

وزیرِ اطلاعات کے مطابق وزارت خزانہ اور ایف بی آر نے عمل درآمد کا ایس آر او بھی جاری کر دیا تھا۔

ضابطے کے تحت فلاحی اداروں اور مخیر حضرات کو این ڈی ایم اے سے سرٹیفکیٹ لینا ہوگا۔

بشکریہ جنگ