لوگ کورونا ویکسین کی رجسٹریشن نہیں کرا رہے: نوشین حامد

پارلیمانی سیکریٹری برائے صحت نوشین حامد کا کہنا ہے کہ لوگ کورونا وائرس کی ویکسین کی رجسٹریشن کی طرف نہیں آ رہے۔

میڈیا سے گفتگو کرتے ہوئے پارلیمانی سیکریٹری برائے صحت نوشین حامد نے یہ بات کہی ہے۔

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 4 ہزار 681 کیسز سامنے آئے ہیں، مزید 135 افراد اس موذی وباء کے سامنے زندگی کی بازی ہار گئے، اس بیماری سے 3 ہزار 645 مریض شفایاب ہو گئے، جبکہ مثبت کیسز آنے کی شرح 10 فیصد ہو گئی۔

انہوں نے کہا کہ کورونا وائرس کی ویکسین میں سب سے بڑا مسئلہ لوگوں کی رجسٹریشن کا درپیش ہے۔

نوشین حامد نے کہا کہ 50 سال کی عمر تک رجسٹریشن کھولنے کے باوجود لوگ بہت کم رجسٹرڈ ہیں۔

ان کا مزید کہنا ہے کہ مجموعی طور پر 20 لاکھ سے کچھ زیادہ لوگ ابھی تک رجسٹرڈ ہوئے ہیں، ان رجسٹرڈ افراد میں سے ساڑھے 6 لاکھ ہیلتھ کیئر ورکرز ہیں۔

پارلیمانی سیکریٹری برائے صحت کا یہ بھی کہنا ہے کہ پاکستان لاکھوں کی تعداد میں کورونا وائرس کی ویکسین کی خریداری کر رہا ہے۔

بشکریہ جنگ